Антонов автомобиль көпірі
Антонов автомобиль көпірі — Днепрдің батыс жағында орналасқан Херсонды екінші жағалаудағы Херсон аймағының бір бөлігімен байланыстыратын жалғыз автомобиль көпірі. Қала мен Олешки, Гола Пристань және сол жағалаудағы басқа елді мекендер арасындағы көлік қатынасын қамтамасыз етеді. 2022 жылы 11 қарашада Ресейдің Украинаға басып кіруі кезінде жартылай жойылды.
Көпірге сипаттама
[өңдеу | қайнарын өңдеу]1977 жылы мамырда көпір құрылысы басталды. 1985 жылы көпір салынып, 24 желтоқсанда пайдалануға берілді. Көпірдің жалпы ұзындығы 1366 метр, жалпы ені 25 метр, жүріс бөлігінің ені 20,5 метр, жаяу жүргіншілер жолы екі жағынан 1,5 метрді құрайды. Көпір 31 тірекке тұрғызылған және 30 арқалықтан тұрады. Ол арқылы күндіз он жарым мың көлік өтеді. Қала мен сол жағалаудың оңтүстік аймақтарының арасы 80-100 шақырымға қысқарды. Бір тонна жүкті тасымалдау құны бес есеге төмендеді.[1][2][3]
Тарихы
[өңдеу | қайнарын өңдеу]
Көпір өз атын Антоновка ауылынан алады (Херсон маңы), оның жанында құрылыс үшін қажетті барлау жұмыстары жүргізілген. Құрылысқа қажетті барлау жұмыстары 1970 жылдары басталды. Жұмысшылар аумақпен танысып, жоспар құрып, құрылысты қолға алды. Ол сегіз жылға созылды. Құрылыс жұмыстары кезінде олардың қатысушылары көптеген қиындықтарға тап болды, бірақ табандылықтың, кейбір техникалық жаңалықтарды пайдаланудың және шығармашылықтың арқасында жоспарды орындай алды.
Бұл маңызды нысанның ашылуы 1985 жылдың желтоқсан айында болды. Одан кейін қызыл лента қиылып, халық ұзақ уақыт бойы есте қалған нағыз мерекеге ие болды. Көпір жеңіл және ыңғайлы болып шықты, көптеген үміттерді ақтады. Көпірді салуда Херсон кәсіпорындары, компаниялары, сондай-ақ жұмыс семестрін сол құрылыс алаңында өткізген студенттер өз үлестерін қосты.
Көпірден автобуспен бірінші болып құрылысшылар, сонымен қатар Голая Пристаньға және басқа бағыттар бойынша жүретін көліктер өтті. Мұндай көпірдің пайда болуы азаматтардың басқа елді мекендермен байланысын айтарлықтай жеңілдетті. Бұрын олар арғы бетке өту үшін баржаларды немесе қайықтарды пайдаланған. Бұл өте ұзақ және әрқашан ыңғайсыз еді. Бірақ айта кету керек, көпір өзен жолаушылар көлігінің тасымалының төмендеуіне ықпал етті.
Антоновка маңында барлау жұмыстары жүргізіліп, нәтижесінде көпір өз атауын алды. Іске қосу алдында мұқият тексерілді. Көпір үстінен Олешки бағытынан жылжыған құм тиелген КамАЗ көліктері өтіп, тексеру сәтті өтті.[4][5]
Көпір жобасының авторлары
[өңдеу | қайнарын өңдеу]Антонов көпірі жобасының авторлары:
- Афанасий Дерменжи – бас инженер;
- Борис Мариков – көпір жобасының бас инженері;
- Игорь Воронцов пен Наталья Виноградова — инженерлер;
- Гарри Копанс – жобаның бас сәулетшісі;
- Андрей Тасалов — сәулетші.[6]
Антонов көпірі үшін шайқас
[өңдеу | қайнарын өңдеу]Антонов көпірі украин әскерінің бірқатар шабуылдары нәтижесінде қатты зақымданды.[7] Украина тарапы Антонов көпірін M30 GMLRS және M31 GMLRS зымырандарымен атқылап жатыр деп мәлімдейді, олардың қысқа ұшу қашықтығы 15-92 км. Дегенмен, бұл реактивті оқ-дәрілер қуатты жарылғыш күшке ие, олар 200 фунттық жоғары жарылғыш фрагменті ПБХ-109 оқтұмсығымен қаруланған. Басқаша айтқанда, олар темірбетон конструкцияларын бұзуға қабілетті. «Антонов көпірі үшін шайқас» деген сөз тіпті желіде пайда болды, сондықтан Киевте оған үлкен мән берілді. Көпір тірегіне зымыран тимеген, негізгі құрылымдар бүтін және бұзылмаған. Көпір көлік қозғалысы үшін жабылған.[8] Батыс Херсондағы 5 мыңға жуық Ресей әскері көпір қираса қоршауда қалмақ. Антонов көпіріне бір мәрте соққы жасалып, Ресейдің ауыр әскери техника тасымалдау мүмкіндігі жойылды.[9]
Дереккөздер
[өңдеу | қайнарын өңдеу]- ↑ Антоновский мост https://dic.academic.ru/dic.nsf/ruwiki/394847
- ↑ Антоновский мост https://khersonregion.com/antonovskij-most/ Мұрағатталған 28 шілденің 2022 жылы.
- ↑ Антоновский мост https://tripmustgoon.com/ru/antonovka-bridge
- ↑ АНТОНОВСКИЙ АВТОМОБИЛЬНЫЙ МОСТ – ОДИН ИЗ САМЫХ ДЛИННЫХ В УКРАИНЕ https://kherson-future.com.ua/ru/articles-ru-antonovskij-avtomobilnyj-most-odin-iz-samyh-dlinnyh-v-ukraine
- ↑ Из истории строительства Антоновского моста https://kherson-news.ru/society/2022/11/11/65390.html
- ↑ Антоновский мост в цифрах и фактах https://aif.ru/politics/world/antonovskiy_most_v_cifrah_i_faktah
- ↑ Деоккупация все ближе. Почему Антоновский мост в Херсоне стратегически важен https://www.rbc.ua/rus/news/deokkupatsiya-blizhe-pochemu-antonovskiy-1658928324.html
- ↑ Битва за Антоновский мост: мифы и реальность https://3mv.ru/181852-bitva-za-antonovskij-most-mify-i-realnost.html
- ↑ Украина: Антонов көпірі https://paryz.kz/world/19411-ukraina-antonov-kopiri?utm_source=fb&utm_medium=post&utm_campaign=rt