Ардальон Вениаминович Баранов

Ардальон Вениаминович Баранов (28.3.1922, Ресей, Новгород облысы Выкса ауданы - 20.5.1971, Қарағанды облысы Жезқазған қаласы) – екінші дүниежүзілік соғысқа қатысушы, минометшілер батальоны командирі. 1942 жылдың басында өз еркімен майданға алынып, Сталинград түбінде, Беларусь, Польша елдерінде шайқастарга қатысты. Потсдам жанындағы Врицен қаласы (Германия, Берлин қаласының батыс жағы) үшін болған шайқаста ерекше козге түсті. Оның батареясы шабуылдап келе жатқан жаяу әскер бөлімшелеріне жол ашып, жаудың әскери техникасы мен жауынгерлерін үлкен шығынға үшыратты. Осы ерлігі үшін Барановқа КСРО Жоғары Кеңесі Төралқасының Жарлығымен Кеңес Одағының Батыры атағы берілді (31.5.1945). Баранов соғысты Берлинде аяқтады. Ленин, Қызыл Ту, 2-дәрежелі Отан соғысы, «Қызыл Жұлдыз» ордендерімен, медальдармен марапатталды. Соғыстан кейін он жылға жуық Кеңес әскері қатарында болды. Запасқа шыққан соң Тараз қаласында тұрып, «Жамбыл былғары аяқ киім» бірлестігінде инженер және Азаматтық қорғаныс штабының бастығы болып жұмыс істеді. Баранов тұрған үйге мемориалдық тақта орнатылған.