Пернетақта

Қазақ пернетақта жаймасы (Ё әрпі әдетте орыс жаймасына көшіп теріледі)

Сурет:Memorial to keyboard.jpg

Памятник клавиатуре в Екатеринбурге на набережной Исети (30:1, QWERTY/ЙЦУКЕН, бетон)

Пернетақта – компьютерге енгізілетін мәтінді теруге арналған жабдық. Компьютердің пернетақтасы жазу машинкасының пернетақтасына ұқсас, бірақ оның қосымша пернелері бар. Ең көп тарағаны – 104 пернесі бар пернетақталар.

Пернетақтада бірнеше түрлі пернелер бар. Оларды мынадай санаттар бойынша жіктеуге болады:

• Әліпбилік-сандық пернелер: бұлар әріптер мен сандар пернелері.
• Тыныс белгі пернелері: бұлар қос нүкте (:), нүктелі үтір (;), сұрақ белгісі (?), дәйекше (') және тырнақшалар (") сияқты пернелер.
• Арнайы пернелер: оларға, мысалы, жүгіргі пернелер, Control пернелері мен қызметтік пернелер (F1–F12) жатады. Бұл пернелер қолданылу мақсатына байланысты әр түрлі іс-қимыл жасайды. Мысалы, мәтін өңдегіште ENTER пернесін басқаннан кейін жаңа жол басталады, ал іздеу жүйесінде ол қажетті мәтін енгізілгеннен кейін іздеу үрдісін белсендіреді.

Қызметтік пернелер – бұл белгілі бір тапсырмалар орындауға арналған арнайы пернелер. Олар былайша белгіленеді: F1, F2, F3 және F12 пернесіне дейін. Бұл пернелердің мақсаты бағдарламаға байланысты болады. Мысалы, F5 пернесі әдетте бейнебетте көрсетілетін деректерді жаңарту қызметін атқарады.