Анатомия

 Басқа мағыналар үшін Анатомия (айрық) деген бетті қараңыз.

Адам жүрегі мен өкпесі, Gray's Anatomy ескі баспасынан.

Анатомия(грекше ἀνατομία anatomia, ἀνατέμνειν ana: ажырату, айыру; және temnein: кесу, сою) - биология ғылымының тірі нәрселердің құрылымын зерттейтін тармағы. Анатомия адам анатомиясы, жануарлар анатомиясы(зоология) және өсімдіктер анатомиясына(фитотомия) айтылатын жалпы түсінік.

Анатомия ішінара макроскопиялық және микроскопиялық болып бөлінеді. Макроскопиялық анатомия көзге ешқандай да арнайы жабдық қолданбай-ақ көруге болатын анатомиялық құрылымдарды қарастырады.Ал микроскопиялық анатомия болса, құрамына гистология(ұлпаларды зерттейтін ілім) мен цитология( жасуша биологиясы) кіретін, анатомиялық құрылымдарды зерттеуде микроскоптарға жүгінетін сала.