Ақмола облыстық орыс драма театры

Үлгі:Қорық аймақ‎ Көкшетау облыстық орыс драма театры , Ақмола облыстық орыс драма театры – сахналық ұжым. 1977 ж. 28 қазанда Л.И. Славиннің “Интервенция” спектаклімен ашылды (реж. Я.А. Куклинский). 2000 ж. 25 қарашадан Ақмола обл. орыс драма театры болып аталды. Театр қазақ драматургтері Ғ.Мүсірепов (“Қозы Көрпеш – Баян сұлу”), С.Жүнісов (“Жапандағы жалғыз үй”), Шота Уәлиханов (“Шоқан анты”), О.Жанайдаров (“Оқжетпес”, С.Сейфулиннің “Көкшетау” поэмасы бойынша, 1994 ж. респ. фестиваль жүлдегері), орыс әдебиетінің классиктері Ф.М. Достоевский (“Қылмыс пен жаза”), Н.В. Гоголь (“Ревизор”, “Мамыр түні”), А.П. Чехов (“Шағала”), сондай-ақ, шет ел драматургтерінің пьесаларын сахнаға шығарды. Театрдың негізін қалағандардың бірі алғашқы бас реж. ҚР еңб. сің. өнер қайраткері (1997) Куклинский болды. Театрда Қазақстанның еңб. сің. артистері Ю.Журавлев, Г.А. Куклинская (екеуі де 1990 жылдан) және Г.Эпштейн сияқты жас актерлер өнер көрсетеді. Театрдың көркемдік жетекшісі – Қазақстанның еңб. сің. өнер қайраткері В.В. Тарасов. Театр ұжымы обл. театрлардың тұңғыш респ. фестивалінің (1984) жеңімпазы.