Салауат

Салауат — Мұхаммед пайғамбардың (ғ.с.) есімі аталған кезде арнайы айтылатын дұға атауы. Салауат Құран Кәрімдегі бұйрық бойынша пайғамбарға жарылқау, құрмет, құттықтау, дұға тілеу мағынасында арнайы жасалатын құлшылық түрі. Ислам ғұламалары салауат айтуды шариаттың шарты ретінде бекіткен. Әбу Ханифа мазхабында әр намаз оқылғанда пайғамбарға салауат айтуды сүннет үкіміне жатқызады. Жазба әдебиетте “с.ғ.с.”, “ғ.с.”, “с.а.у.” түрінде салауаттың қысқарған сөз түріндегі қалпын пайдалану дәстүрі бар. Қазақ дәстүрлі қоғамында пайғамбарға құрмет иманның басты негізі ретінде танылғандығын жыраулар мұрасынан анық көреміз. Қашаған жырау, Әбубәкір Кердері, Ақтай Керейұлы, т.б. қазақ шайырларының шығармашылығында да салауаттың, мадақтың мәні көрсетілген.

Аудармасы	Оқылуы	Мәтіні
Я, Аллам! Пайғамбарымыз (с.а.у.) Мұхаммедке және Оның отбасы мен ұрпағына, мейіріміңді төгіп, олардың мерейін үстем ет.	Аллахумма, салли ’аля Мухам-мадин ва ’аля али Мухаммад(ин)	اللَّهُمَّ صَلِّ عَلى مُحَمَّدٍ وَ عَلَى آلِ مُحَمَّدٍ
Тура хазіреті Ибрахим және оның отбасы мен ұрпағына мейіріміңді төгіп, олардың мерейін үстем еткеніңдей.	кя-ма салляйта ’аля Ибрахима ва ’аля али Ибрахим(а)	كَما صَلَّيْتَ عَلَى إبْراهِيمَ وَ عَلَى آلِ إبْرَاهِيمَ
Күмәнсіз Сен – Хамидсің, мәжидсің. Яғни, барлық мадақ пен ұлылық, асқақтық саған ғана тән.	инна-кя Хамидун, Маджид(ун)	إنَّكَ حَمِيدٌ مَجِيدٌ
Я, Аллах, Және Хазіреті Мұхаммед пен оның отбасын, ұрпағын мүбәрак (барик) ет. Олардың ырыс-берекетін ұдайы арттыр.	Аллахумма барик ’аля Мухаммадин ва ’аля али Мухаммад(ин)	وَ بَارِكْ عَلَى مُحَمَّدٍ وَعَلَى آلِ مُحَمَّدٍ
Тура Хазіреті Ибраһим оның отбасын, ұрпағын мүбәрак еткенің секілді.	кя-ма баракта ’аля Ибрахима ва ’аля али Ибрахим(а)	كَما بارَكْتَ عَلَى إبْراهِيمَ وَ عَلَى آلِ إبْراهِيمَ
Күмәнсіз Сен – Хамидсің, мәжидсің. Яғни, барлық мадақ пен ұлылық, асқақтық саған ғана тән.	инна-кя Хамидун, Маджид(ун)	إنَّكَ حَمِيدٌ مَجِيدٌ