Шіркін, life!

«Шіркін, life 3 Бурабайда!»

Көрерменнің көзайымына айналған реалити-шоу 3-маусымын ашық деп жариялайды! Шіркін, life Ақмола облысының Щучинск қаласындағы «Балдәурен» оқу-сауықтыру орталығына сапар шеккелі отыр.

Бұл маусым алдыңғы екі бөлімге қарағанда түрлі жаңалықтарымен ерекшеленбек:

1-Қатысушылар саны 12 адам-өнер жұлдызы

2-Тапсырмалар саны 14. Олардың барлығы дерлік түрлі спорттық ойындар мен арнайы сайыстарға негізделген

3-Түсірілім Ақмола облысы, Щучинск қаласы, Бурабай курорттық аймағында өтеді. Ұлы қазақ даласындағы Сары Арқаның інжу-маржаны атанған Бурабай 3-маусымның қатысушыларын құшақ жая қарсы алмақ! Бұл өлкенің жұпар иісі, биік таулары, мөлдір өзен-көлдері адам жанын табиғатпен үндестіретіндей. Ал, аспанға таласқан Оқжетпес пен Жеке батыр шыңдары ертегі әлеміне жетелегендей. Дәл осы жерде, «Бурабай» ұлттық паркінің аймағында, Щучье көлінің жағасында жыл бойы балалардың сыңғырлаған күлкілері кетпейтін «Балалар арманының аралы» атанған «Балдаурен» Республикалық оқу-сауықтыру орталығы орналасқан.Жаңа маусымның жаңа қатысушылары жоба авторлары дайындаған түрлі тапсырмаларды орындап, үздіктің үздігі атану үшін осы өлкеге аттанады!

Бағдарламаның басты мақсаты: еліміздің спорт және туризм саласын жастар арасында кеңінен насихаттау, үлкенге құрмет кішіге ізет сынды қазақи қасиеттерді өскелең ұрпақ бойына дарыту!

Реалити-шоуға кез-келген өнерпаз немесе танымал тұлға қатыса алмайды.

Қатысушыларға қойылатын басты талаптар:

1. Біріншіден ол: қазақ тілінде еркін сөйлеу білуі керек;
2. Екіншіден ол: рейтингі бар, халыққа қызық адам болуы керек;
3. Үшіншіден ол: жобаның барлық шарттарына төзе біліп, бағдарламаға барынша атсалыса білуі керек;

Жобаға іріктеуден өткен 12 адам қатысады. Бағдарламаның басты ережесіне сәйкес, олардың тең жартысы, яғни 6-ы қыз, 6-ы ер болуы керек. Бұлар екі командаға бөлінеді

Бұл жерде басты байқау командаларға негізделеді. Тапсырмалар жалпы командаға беріледі. Сондықтан бұл тұста әрбір қатысушы тапсырманы орындау барысында өз командасында мықтылық немесе тапқырлық таныта білуі керек. Әрбір жетістік командаға ұпай сыйлайды, әрбір кемшілік команданы артқа тартып, жеңіліске ұшыратады. Жобаның ережесіне сәйкес қатысушылардың күнделікті тыныс-тіршілігін, олардың айналасындағы адамдармен қарым-қатынасын жүргізуішілер бақылап отырады.

-Қатысушының басты мақсаты жобаның жеңімпазы атану;

-Әрбір командаға күн сайын немесе 2 күнде 1 тапсырма беріледі,олар сол тапсырманы ойдағыдай орындап шығуы керек

Фотогалерея

• 
• 
• 
• 
• 
• 
• 
• 
• 
• 
• 
• 
• 
• 
•