Шахрух Хан

Шах Рух Хан

Шах Рух Хан (англ. Shah Rukh Khan) — үнді киноактері, продюсер, тележүргізуші. 1965 жылы 2 қарашада Нью-Делиде, пуштундар отбасында туған. Мұсылмандықты ұстанады. Әкесі Тадж Мұхаммед Хан – Үндістандағы танымал қорғаушы, анасының аты – Фатима. Мамандығы бойынша экономист, 1988 жылы Дели Университетін бітірген. 1991 жылы Мумбайға көшіп келіп, индуит отбасынан шыққан Гаури Чибберге үйленеді. Өзі мұсылман болса да, әйелінің дініне құрметпен қарайды. Екі баласы бар: ұлы – Арьян және қызы – Сухана. Балалары екі дінді де ұстанады. 1988 жылдан бері бірнеше телехикаяларға және 70-тен аса фильмге түскен. Олардың ішінде: «Circus» (Цирк (хикая)) (1989), «Maya» («Майя ханым») (1993), «Karan Arjun» («Каран мен Арджун») (1995), «Kuch Kuch Hota Hai» («Өмірде бәрі де болады») (1998), т.б. Болливудтегі сұранысы жоғары актерлердің бірі. Бір жылдары ол бес-алты фильмге бірден түскен. 2007 жылы Амитабх Баччанның орнына «Миллион кімге бұйырады» атты теле шоуды жүргізген. 2011 жылдың ақпан айынан бастап шыққан Zor Ka Jhatka шоуының жүргізушісі болып келеді.