Аспалы өсімдіктер

Аспалы өсімдіктер, Ампель өсімдіктері — ампельдерде яғни аспалы вазалар мен құмыраларда т. б. өсірілетін өсімдіктер тобы, олардың сабақтары жайылып, салбырап немесе өрмелеп өседі.

Бұлар — әдетте мәңгі жасыл, көпжылдық, сәндік жапырақ жаятын немесе әдемі гүл шашатын өсімдіктер. Аспалы өсімдіктерді терезе алдына немесе қабырғаға бекітілген тіреуіштер арқылы сәндік құмыраларға, аспалы кашполарға, ағаш немесе тоқыма кәрзеңкелерге отырғызып, іліп қояды.

Гулдейтін аспалы өсімдіктер: 1. Қалампыр тектес эписция. 2. Әдемі эсхинантус. 3. Боз шырмауық-хы хойя. 4. Жалаң хипоцирта. 5. Геспериев ту қым дасына жататын аспалы өсімдіктер. 6. Әсем колумнея.

Аспалы өсімдіктерді (құрғақ сүйгіш суккуленттерден басқасын) күн сайын суарады, қоңыр салқын су бүркіп тұрады; топырақ түгел ылғалдануы үшін құмыраларды аптасына бір рет суға толық батырып алын отырады. Жыл сайын көктемде жаңа топырақ ауыстырыл салады. Бөлмені сәндеу үшін мына өсімдіктерді өсіру керек. Сәндік жапырақ жаятындар:

• өрмелеп өсетін фуксия тәрізді бегония,
• кәдімгі шырмауық,
• аспарагус,
• көкшіл селагинелла,
• аспалы зебрина,
• тау фикусы және кішкене фикус,
• айдарлы хлорофитум т. б. түрлері,
• әсем эсхинантус,
• шырайгүл,
• шырмауық жапырақты пеларгония.

Суккуленттер:

• қалың жапырақты оттона,
• кассит рипеалисі,
• Зибольд пен Морган очитогі,
• Вуд церопегиясы,
• зигокактус.

Жасанды тіректі қажет ететін аспалы немесе шырмауық сабақты кейбір өсімдіктерді лиана сияқты өсірген дұрыс. Тіректің ен қарапайым түрі — тік қазықшалар немесе бамбук таяқшалар. Тік қазықшаларға көлденеңінен таяқшалар немесе жіп байлап торкөз жасауға болады. Бөлме лианасының күтімі де жалпы бөлме өсімдіктеріңің күтіміне ұқсас.