Балалар мен жасөспірімдер спорт мектебі(Орал қаласы)

Балалар мен жасөспірімдер спорт мектебі(Орал қаласы) - республикадағы алғашқы спорт мектептерінің бірі. Орал қаласында 1956 ж. ашылды. Онда балалар мен жасөспірімдер спорттың жеңіл атлетика, велосипед, қайық есу, гимнастика, волейбол, футбол және баскетбол сияқты түрлеріне үйретілді. Қазіргі кезде облыста 18 спорт мектебі бар, онда балалар мен жасөспірімдер спорттың 20 түрі бойынша жаттығады. Оларда 130 жаттықтырушы жұмыс істейді. Мектеп түлектерінің арасынан бірнеше КСРО спорт шеберлері, сондай-ақ әлемдік, одақтық (қазіргі ТМД) және республикалық жарыстарда жоғары нәтиже көрсеткен спортшылар шықты (мысалы, қайық есуден А. Акунишников — 1982 ж. КСРО халықтары спартакиадасының жүлдегері, 1984 ж. әлем чемпионы; кәгалдағы хоккейден М. Мангубаев — Еуропа чемпионаты кубогының жүлдегері; допты хоккейден П. Савченко, М. Киікбаев, О. Чернов - КСРО чемпионы; волейболдан В. Козик - әлем чемпионатының жүлдегері, т.б.).