Бүлдірген қайнатпасы

Бүлдірген қайнатпасы. Бүлдіргенді іріктеп, жуады да, сүзгіге салып, 3-4 қайтара үстіне қайнаған су құяды. Суы ағап болған соң сироптың үстіне салады, аздаған дәм қабық, 2-3 қалампыр дәнін қосып, әзір болғанша қайнатады. Құмшекер орнына сол мөлшерде бал пайдалануға да болады. Бүлдіргенді алмаға не алмұртқа қосып қайнатуға да болады. Мұндайда шала піскен алманың тәтті сорттары мен алмұртты төртке бөліп кеседі де, бүлдіргенмен бір мезгілде сиропқа салады (1 кг бүлдіргенге 200 г алма және 300 г алмұрт; 1 кг құмшекер).