Гибридтік түр түзілу

Бұл-негізінде өсімдіктерге тән түр түзілу жолы. Табиғатта өсімдіктердің 50 пайыздан артығы гибридогендік формалар немесе аллополиплоидтар болып табылады. Аллополиплоидтар екі түрдің дараларын немесе әр түрлі туыстарға жататын түрлерді будандастыру нәтижесінде алынады. Мысалы, 48 хромосомалы (2п=48) мәдени алхорыны кәдімгі шомырт пен (2п=32) алшаны (2п=16) будандастыру арқылы алған. Таңқурайдың, темекінің, жусанның,т.б. өсімдіктердің кейбір түрлері осындай гибридогендік жолмен пайда болған аллополиплоидтар. Екі түрлі генотиптің бірігуінің нәтижесінде мүлдем жаңа форма түзіледі. Бұған Г.Д.Карпеченконың тұрып пен орамжапырақты будандастырып алған түраралық өсімтал буданы мысал болады.