Деламинация

Деламинация — эмбриондық дамудың гаструлану кезеңінде бластомерлерден құралған көпжасушалы ұрықтың жасушалар қабаттарына жарылып, ұрық жапырақшаларының пайда болу процесі. Бауырымен жорғалаушылар мен құс дискобластулаларының ұрық табақшасы және сүтқоректі жануарлар ұрық түйінінің (эмбриобласттың) бластомерлері, тангенциальды (бластуланың сыртқы бетіне параллельді жүреді) бөліну арқылы көпқабатты ұрыққа айналады да, өз кезегінде екі қабат тақташаға (пластинкаға) жарылып, сыртқы эктодерманы және ішкі энтодерманы түзеді. ұрық жапырақшаларының арасында пайда болған қуысты гастроцель деп атайды.