Диатоника

Диатоника - ладтың негізгі баспалдақтарының ретінен туатын музыкалық дыбыстар жүйесі. Диатоникаға негізінен бүтін тондар мен жарты тондар ретінде негізделген 7 баспалдақта ладтар (табиғи мажор мен минор, олардың гармониялық түрлері, пентатоника, т.б.) жатады. Диатониканың негізгі дыбыстары хроматикалық өзгеріске түспейді. Диатоника жарты тон көршілес екі дыбыстан құралады да (мысалы, ми-фа), ал хроматикалық жарты тон дыбыстарды жоғарылату немесе төмендету өзгерістерінен пайда болады. Диатоника ладтық құрылыстың негізі болып табылады. Диатоника халық музыкасында және кәсіби, классик, музыкада кең орын алады. Ал модернистік музыка диатоникадан біржола қол үзгендіктен атональдікке, ладтың ыдыраушылығына, музыкалық жүйелердің бұзылуына әкеп соқтырды.