Домодедово (әуежай)
Басқа мағыналар үшін Домодедово деген бетті қараңыз.Домоде́дово (IATA: DME, ICAO: UUDD) — федералдық маңыздағы халықаралық әуежай[1], Мәскеу және Мәскеу облысындағы негізгі үш әуежайдың бірі. Жолаушылар легі бойынша Ресей Федерациясындағы екінші әуежай. Мәскеу облысындағы Домодедово қалалық округі мен Раменский ауданының шекарасында орналасқан. Мәскеу қаласының орталығынан оңтүстік-шығысқа қарай 45 км жерде орналасқан. Ресми атауы — «Мәскеу (Домодедово)».
Әуежай кешені паралель екі тәуелсіз ұшу-қону жолағы бар ұшу алаңынан тұрады. Екі жолақ бір-бірінен екі шақырым қашықтықта орналасқан. Домодедово Мәскеу бойынша бір уақытта ұшыра алатын және қондыра алатын қызметті орындайтын жалғыз әуежай. Жолаушы терминалы «С» IATA сертификаты бар.
Мәскеу бойынша жалпы жолаушылар легінің 46 пайызын құрайды. Домодедово әуежайынан рейстерді 82 әуе компаниясы дүние жүзі бойынша 247 бағытқа орындайды. Әуежай серіктестерінің арасында 12 ТМД әуекормпаниялары жұмыс жасайды. Әуежай жылына орта есеппен 33 млн жолаушыға қызмет көрсетеді[2].
Тарихы[өңдеу | қайнарын өңдеу]
Әуежай тарихы 1954 жылы 13 қарашада КСРО министрлер кеңесі Мәскеу облысының Подольск ауданы, Елгазино елді мекені маңайында мәскеулік екінші әуежайды салу жөнінде шешім қабылдағанда басталды. Домодедово әуежайының туған күні ретінде 1962 жылдың 7 сәуірі саналады. 1964 жылдың 25 наурызы күні Домодедово әуежайынан Ту-104 маркалы жолаушылар самолеті өзінің алғашқы рейсін Мәскеу – Свердловск бағытында ұшты. 1964 жылдың 20 мамырында әуе вокзалы кешенінің ашылуы болды. Тұрақты жолаушылар рейсі 1966 жылы ұшырыла бастады.
Авиакомпания және оның бағыты[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Распоряжение Правительства Российской Федерации от 20 апреля 2016 года № 726-р «Об утверждении перечня аэропортов федерального значения»[1] (орыс.)
- ↑ Московский аэропорт Домодедово подвёл итоги деятельности за 2012 год - Московский аэропорт Домодедово. Басты дереккөзінен мұрағатталған 26 ақпан 2013. Тексерілді, 24 ақпан 2013.