Есенгелді Жұмағұлұлы Тұяқов

 Басқа мағыналар үшін Тұяқов деген бетті қараңыз.

Есенгелді Жұмағұлұлы Тұяқов
Туған күні	11 қараша 1948 (1948-11-11) (76 жас)
Туған жері	Қарағанды
Азаматтығы	Қазақстан
Марапаттары	Құрмет ордені

Есенгелді Жұмағұлұлы Тұяқов (11.11.1948, Қарағанды қаласында туған) - суретші. Қазақ.

Білімі

• Н.В. Гоголь атындағы Алматы көркемсурет училищесінің декорация (безөндіру) факультетін (1972) декоратор-суретші мамандығы бойынша;
• М. Горький атындағы Мәскеу көркемөнер академиялық театры жанындағы Немирович-Данченко атындағы Мектеп-студиясының қоюшы суретшілік факультетін (1977) сахна суретшісі-технологы мамандығы бойынша бітірген.

Еңбек жолы

• 1969-1971 жылдары - Кеңес Әскерінің қатарында қызметте.
• 1977 жылдан - К.С. Станиславский атындағы Қарағанды облыстық орыс драма театрының қоюшы суретшісі.
• 1978 жылдан - Алматы мемлекеттік театр және көркемөнер институтының оқытушысы.
• 1978 жылдан бері - М. Әуезов атындағы Қазақ мемлекеттік академиялық драма театрының бас суретшісі - «Кен Сахна» ЖШС директоры.

Шығармашылығы

• Қысқа терминологиялық сөздіктің авторы.
• 200-ге жуық көркемдік-қоюшылық жұмыстарының авторы: М. Әуезовтің «Қарагөз», «Абай», «Айман - Шолпан»; Ш.Айтматовтың «Ақ кеме»; Ғ. Мүсреповтің «Қозы Көрпеш – Баян Сұлу», «Махаббат әні»; Н.В. Гогольдің «Ревизор»; Г. Гауптманның «Ымырттағы махаббат»; Б.Муқайдың «Бойдақтар»; У. Шекспирдің «Гамлет»; Г. Гориннің «Геростратты Ұмыту», Ә. Кекілбаевтің «Абылай хан», К. Балнұрдың «Қалқаман-Мамыр», Ғ. Жұбанованың «Құрманғазы» қойылымдары. Қ. Қуанышбаев атындағы Қазақ музыкалық драма театрының (Астана қаласы), С. Сейфуллин атындағы Қазақ драма театрының т.б. сахналық алаңдарын безендірген.
• Орталық Азия ойындарының бас сурөтшісі (1996).
• Астана қаласының ашылуына арналған шаралардың, салтанатты концерттердің, Астана қаласының және ҚР басқа қалаларының концерттік залдары мен сахналарының қоюшы-суретшісі. Чехословакия, Грекия, Моңғолия, Ресей, Өзбекстан елдеріндегі халықаралық, одақтық және республикалық сахна безендіру көрмелерінің қатысушысы.

Қоғамдық жұмысы

• ҚР Суретшілер одағының мүшесі.
• Қазақстан Театр қайраткерлері одағы төралқасының мүшесі.
• ҚР Суретшілер одағы басқармасының хатшысы.

Марапаттары

• «Құрмет» орденімен (2009)
• КСРО ХШЖК сахнасуреттеу саласындағы күміс медалімен марапатталған.
• ҚР Еңбек сіңірген өнер қайраткері (1991).
• Моңғолия Еңбек сіңірген қайраткері.

Отбасы

• Әкесі - Тұяқов Жұмақұл.
• Анасы - Тұяқова Мәлике Нұрланқызы.
• Үйленген. Жұбайы - Тұяқова Гүлшарын Мұсақызы (1949 жылы туған).
• Қызы - Тұяқова Рауана (1977 жылы туған);
• Ұлы - Тұяқов Ерлан (1986 жылы туған).