Ибуфен

Ибуфен

Фармакологиялық тобы

Қабынуға қарсы және ревматизмге қарсы препараттар, пропион қышқылының туындысы.

Фармакодинамикасы

Ибупрофен ыстықты түсіретін, ауруды басатын және қабынуға қарсы әсері бар пропион қышқылының туындысы. Ибупрофен әсер ету механизмі ең алдымен арахидон қышқылының простагландиндерге, простациклин және тромбоксанға айналуын реттейтін ферменті – циклооксигеназа белсенділігін төмендету есебінен простагландиндер биосинтезін бәсеңдетуге байланысты. Бұл кезде арахидон қышқылыныңциклооксигеназалы метаболизмі жолын қайтымды тежеу нәтижесінде простагландиндер концентрациясын төмендету брадикинин, эндогенді пирогендер, басқа биологиялық белсенді заттардың, оттек радикалдары және азот оксидінің түзілуінің азаюымен қатар жүреді. Қабылдағаннан кейін 30 минуттан соң дене қызуының төмендеуі әсері басталады, оның ең жоғары әсері 3 сағаттан соң байқалады.

Қолданылуы

• Әртүрлі генездегі дене температурасы жағдайында:
• Суық тиіп ауырғанда
• Жедел респираторлы вирусты жұқпаларда
• Тұмауда
• Баспада (фарингитте)
• Поствакцинальді реакцияларда
• Әр түрлі ауыру синдромында:
• Тіс ауырғанда, тіс ауыртып шыққанда
• Бас ауруы, бас сақинасы
• Қимыл-тірек аппаратыныӊ жарақаты салдарынан бұлшықет, буын аурғана
• Ортаӊғы құлақ қабынуы кезіндегі құлақ ауруында

Қолдануға болмайтын жағдайлар

• Препараттыӊ қандай да бір құрамдас бөлігіне, сондай-ақ қабынуға қарсы стероидты емес дәрілік препараттарға жоғары сезімталдық
• Ацетилсалицил қышқылы және қабынуға қарсы стероидты препараттарды қолданғаннан кейін мұрын бітелуі, тері бөртелері, бронх түйілуініӊ реакциялары сияқты бұрын болған аллергияныӊ қандай да бір симптомдарында
• Асқыну кезіндегі асқазан және он екі елі ішектіӊ ойық жара ауруында
• Жүктіліктіӊ соӊғы триместрінде
• Үш айға дейінгі балаларға