Иван Михайлович Губкин

Дүниеге келгені:	1871 ж. қыркүйектің 9 (1871—09—09) Ресей,Төм. Новгород облысы Поздняков с.
Қайтыс болғаны:	1939 ж. сәуірдің 21 (67 жаста) Мәскеу қ.

Иван Михайлович Губкин (9.9.1871, Ресей, Төм. Новгород облысы Поздняков с. – 21.4.1939, Мәскеу қ.) – орыс ғалымы, проф. (1920), КСРО ғылым академиясының акад. (1929). Санкт-Петербург тау-кен ин-тын бітірген (1910). 1910–1918 ж. КСРО Геол. к-тінде жұмыс істеді. 1917–18 ж. АҚШ-қа мұнай өнеркәсібін зерттеп танысуға жіберілді. 1919 жылдан «Главсланецті» басқарды. 1920–1930 ж. Мәскеу тау-кен академиясында проф., ректор (1922), 1930 жылдан өмірінің соңына дейін Мәскеу мұнай ин-тында кафедра меңгерушісі, КСРО ғылым академиясының вице-президенті, 1931 жылдан Халық ш-ның жоғ. кеңесі геол. барлау басқармасының бастығы. 1930–1936 ж. КСРО ғылым академиясының өндірістік күштерді зерттеу кеңесінің төрағасы. 1936–1939 ж. КСРО ғылым академиясының Әзірбайжан бөлімшесінің төрағасы қызметтерін атқарды. Негізгі ғыл. еңбектері мұнай геологиясына арналған. Г. балшықты жанартаулардың мұнай кен орындарымен байланысын зерттеді. Сондай-ақ Қазақстандағы темір, түсті металл, жылу-энергет. шикізат, тұщы су кендерінің болашағының зор екенін көрсетті. Ленин, Еңбек Қызыл Ту ордендерімен, медальдармен марапатталған.