Керинея бұғысы
Керинея бұғысы — ежелгі грек мифологиясында ғажайып, шаршаңқылықты білмейтін, алтын мүйізді, мыс аяқты Артемиданың бұғысы. Аркадияның аңшысы өз олжасымен Артемидамен бөліспегендіктен, Артемида ашуланып, адамдарды жазалау үшін өз бұғысын Аркадияға жібереді. Бұғы кәдімгі бұғыларға мүлдем ұқсамайды, ол өте шапшаң, денесі бұқа денесімен бірдей, ол халықтың егін алқабтарын таптап, оларды шығындаған.
Гераклдың төртінші ерлігі
[өңдеу | қайнарын өңдеу]Эврисфей бұл бұғы туралы ести сала Гераклға оны ұстауды тапсырды. Геракл бұл ісімен құдайларды ашуландырып алмас па екенмін деп қорқа бастады. Геракл бұғыны көре сала оның артынан жөнелді, ол бұғының артынан қалмай жүгіріп отырды. Гераклдың орнында жай адам болғанда, баяғыда өліп кетер еді. Ал, Геракл болса, бұғының артынан 1 жыл жүгіріп жүр. Ол бұғыны ұстаймын деген сенімін жоғалта бастады. Бұғы одан тағы да қашып кеткен уақытта, ол оны аяғына садақпен оқ атып, оны жаралады. Тек жануар ақсақтаған уақытта ғана ол оны ұстай алды. Осы уақытта оның алдынан өте ашулы Артемида пайда болып, Гераклдың бұғыны жаралау себебін сұрады. Геракл құдайлардың Эврисфей патшаның тапсырмаларын орындауды бұйырғанын және бұғыны ұстау тапсырмалардың бірі екенін түсіндіреді. Артемида батырды түсініп, рұқсатын береді. Осылай Геракл тағы бір ерлігін орындайды.
 |
Ортаққорда бұған қатысты медиа санаты бар: Ceryneian Hind |