Кірпішөп

Кірпішөп
Echinaria capitata
Ғылыми топтастыруы
Дүниесі: Өсімдіктер (unranked) Monocots (unranked) Commelinids Сабы: Poales Тұқымдасы: Poaceae Тегі: Echinaria

Кірпішөп (Echіnarіa) – астық тұқымдасына жататын шөптесін өсімдік. Жерорта теңіз аймағында кездесетін монотипті түр. Қазақстанда Батыс Тянь-Шаньның (Жылға мен Ақжар станцияның аралығында) құрғақ, тастақты тау беткейлерінде өсетін жалғыз түрі – басты Кірпішөп (E. capіtata) бар. Оның биіктігі 5 – 25 см, сабағы түбінен бұтақтанған, тықыр және тегіс болады. Жапырақ қынабы тықыр, тілшесі ұзынша келеді. Жапырақ тақташасының көлд. 2 мм, бұдыр. Гүлшоғыры – домалақбас; масақ қабыршағы жұқа, тықыр домалақ болады. Оның жоғарғы жағы ойма және үшкір келсе, төменгі гүлқабыршағы кері қарай иілген 5 тісшеден тұрады. Олардың ұзындығы 4 – 6 мм, жоғарғы бөлігінің 2 үшкірі бар. Тұқымы және тамыр сабағы арқылы көбейеді. Сәуір – мамыр айларында гүлдеп, жемістенеді. Жемісі – жидек. Сабағын сиыр мен ешкі сүйсініп жейді.