Көз аккомодациясы

Көз аккомодациясы (лат. Accomodatio - бейімделу ) – көздің әр түрлі қашықтықтағы заттарды анық көруге бейімделуі. Көз аккомадациясында көз қатар түскен сәулелердің бағытын өзгертеді. Бұл құбылыс көз бұршағы пішінінің өзгеруімен байланысты. Көз бұршығы көз алмасында арнайы сіңірлер арқылы бекілген. Егер көз бұлшық еттері жиырылса, сіңірлер босаңсиды да, көз бұршағының дөңестігі ұлғайып, заттан шыққан сәулелердің бағыты күшті өзгереді. Адамның жасы ұлғайған сайын, әсіресе 40-тан асқаннан кейін,көз бұршағының пішінін өзгертетін еттердің жиырылғыштығы кеміп, көз дөңестігін үлкейту және кішірейту қасиеті нашарлайды, яғни көздің көздің аккомадациялық күші әлсірейді. Жасы 40-тан асқан кейбір адамдар жақыннан оқығанда,әріптер бұлдырап анық көрінбейді, сондықтан өзінен алыстатып ұстап оқиды; көп оқыса көзі талып, көз түбі ауырады, инені сабақтай алмайды. Мұны алыстан көрушілік деп атайды. Мұндай адамдар дөңес линзалы көзілдірік киюі қажет.

Дереккөздер

Қазақ Совет Энциклопедиясы, Алматы, 1975ж., 6том, 5бет.