Көп қылтықты құрттар

Көп қылтықты құрттар

Тіршілік ету түрі

Көп қылтықты құрттар - буылтық құрттардың бір класы. Ұзындығы 1-3 мм, денесінің диаметрі 0,5-60 мм, екі ұшы сүйір беткен, пішіні буылтықты. Сезім мүшелерінен көптеген түрінде көз және тепе-теңдік мүшесі болады. Көп қылтықты құрттар – дара жынысты ағзалар, іштей ұрықтанбайды. Дамуы метаморфоз арқылы өтеді. Жұмыртқадан дербес тіршілік ететін личинка-трохофора дамиды. Жыныссыз көбеюі сирек байқалады. Көп қылтықты құрттар негізінен мұхитта, теңізде, аздаған түрі тұщы суда тіршілік етеді. 5000 астам түрі бар. Ресейде 600-дей түрі белгілі. Көптеген түрі су түбінде топырақ арасында, біразы суда жүзіп тіршілік етеді. Құрлықта бір ғана түрі-тропикте банан және какао плантациясында кездеседі. Өсімдік қалдықтарымен, көбінесе тірі ағзалармен қоректенеді. Кейбір түрі комменсалдар, паразит түрлері аз. Көп қылтықты құрттардың нереида деген түрі XX ғасырдың 30 жылдарында Азов теңізінен Каспий теңізіне әкеліп жерсіндірілген, қазір ол бекіре балықтың негізгі жемі болды. Палоло деген түрін тағамға пайдаланады. Кеме түбіне жабысып зиян келтіретін түрлері де бар. Көп қылтықты құрттардың қазба қалдығы Австралияда докембрийден белгілі.