Лента крайты

Лента крайты
Ғылыми топтастыруы
Дүниесі: Жануарлар Жамағаты: Хордалылар Табы: Бауырымен жорғалаушылар Сабы: Squamata

Лента крайты Bungarus fasciatus — улы жыландар қатарына жатады. Олар Үндістан және Оңтүстік-шығыс Азияның тропикалық ормандарында тіршілік етеді.

Жалпы анықтама

Лента крайты денесінің орташа ұзындығы – 180 см, кейде 250 см-ге дейін жететіндері болады. Лента крайтының денесі тегіс, жылтырақ қара және көкшіл қара түсті қабыршақтармен көмкерілген. 25-35 сары жолақтары болады. Қоңырқай түсті басы үшбұрыш немесе трапеция тәрізді, кеудесімен немесе көкірегімен жалғасқан тұсы айқын байқалады. Арқа қабыршақтары алты қырлы болғандықтан, әр түрлі рең беріп тұрады. Бұл рең оларға бұта, шалғын арасында жақсы бүркеніш бола алады. Лента крайты құрғақ жерлерден, ағаш тамырларының астынан ін қазады. Көзі жарыққа шағылысып, көрмей қалатындықтан олар күндіс қорғансыз. Сондықтан күндіз сақина тәрізді иіріліп, бастарын денесіне тығып жатады. Лента крайтының уы адам өміріне қауіп тудырады. Шаққан жағдайда дереу дәрігерге көріну керек. Лента крайты көбіне басқа жыландармен, тіпті кобралардың кей түүрімен де қоректенеді. Сонымен қатар олардың негізгі қорегі ұсақ сүтқоректілер, кесірткелер, балықтар, бақалар мен жылан жұмыртқалары болып табылады.