Лукойл

“Лукойл” ААҚ – ресейлік мұнай компаниясы. Ресми атауы – “Лукойл” Мұнай компаниясы” ААҚ. Компания атауы мұнай өңірі болып табылатын қалалардың атының бірінші әріптерінен құралған (Лангепас, Урай, Когалым) және “ойл” сөзі (ағылшынша oil — мұнай). Компанияның басты қызметтері – мұнай шығатын жерді іздеп барлау, мұнайды және табиғи газды шығару және қайта өңдеу, мұнай өнімдерін шығару. Саудадан түскен ақша көлемі бойынша “Газпромнан” кейін Ресейдегі екінші орындағы компания болып табылады.2007 жылға дейін Ресейдегі мұнай өнімдерін шығару көлемі бойынша ең үлкен компания болып келді. 2011 жылғы 1 қаңтардағы санақ бойынша, “Лукойл” компаниясы көмірсутек қоры бойынша әлемдегі үшінші, ал мұнай қоры бойынша бірінші жекеменшік мұнай компаниясы. Лукойл тауар белгісі – 2007 жылы сәуірде Financial Times британ газеті жүргізген санақ бойынша, әлемдегі ең үздік 100 тауар маркаларына кірген екі ресейлік брендтің бірі. Дегенмен, 2009 жылы сәуірде құрастырылған үйлес санақ бойынша, Лукойл ең үздік жүз марка қатарына кірмеді. Лукойл компаниясының штаб-пәтері Мәскеу қаласында, Сретен бульварында орналасқан. Сонымен қатар, компанияның Ист-Мидоуде, Нью-Йорк қаласының маңында, Солтустік Америкада штаб-пәтері бар.

Компанияның тарихы:

«ЛангепасУрайКогалымнефть» («ЛУКойл») мемлекеттік мұнай концерні КСРО Үкімет Кеңесінің № 18 жарлығы бойынша 1991 жылы 25 қарашада қаланды. Жаңа мұнай концерніне үш мұнай шығаратын «Лангепаснефтегаз», «Урайнефтегаз», «Когалымнефтегаз», қайта өңдейтін «Пермнефтеоргсинтез» кәсіпорындар, Волгоградтық и Новоуфимдік мұнай өңдейтін зауыттар біріктірілді. 1994 жылы компания акциялары бойынша бірінші жекешелендіру саудалары болды. 1997 жылы ресейлік компания Ирак мұнай министрлігімен Батыс Курна-2 өңірін мұнай шығаруға және өңдеуге келісім жасады. Саддам Хусейн жүйесін құлатқаннан кейін проекті жүзеге асыру тоқтатылып, келісішарт бұзылды. 1997 жылы «Ставролен», «Саратоворгсинтез» және«ЛУКОР» мұнай-химиялық кәсіпорындарды басшылыққа ала отырып, «ЛУКойл-Мұнайхим» компаниясы пайда болды. 2002 жылы “Лукойл” Ленинград облысындағы Высоцк портында мұнай өнімдерін ауыстырып тиеу жеке терминалының құрылысын бастады. 2005 жылы “Лукойл” компаниясы Қазақстанда жұмыс істейтін Nelson Resources компаниясын 2 млрд долларға иелікке алды. 2011 жылдың ақпан айында ConocoPhillips компаниясы “Лукойл” компаниясының меншілігінен толық шығып, қиын қаржылай жағдайларға байланысты барлық акцияларын сатып жіберді. 2012 жылдың соңында “Лукойл” компаниясы Ханты-Мансий автономды аймағында орналасқан Имилорск, Шығыс-Имилорск и Источное көмірсутек кен ошақтарын барлау және қайта өңдеу бойынша сату құқықтарының мемлекет аукционының жеңімпазы болды. Бұл жарыста «Лукойл» компанисы мемлекетке 50,8 млрд рубль төлеп, «Роснефть» және «Газпромнефть» компанияларын озып кетті.