Мал қоңдылығы

Мал қоңдылығы - мал денесіне майдың жиналу дәрежесі. Мал қоңдылығы малды азықтандыру мен бағып-күту жағдайына, денсаулығына пайдалану ретіне қарай қалыптасады. Осыған сәйкес мал қоңдылығына әр түрлі талап қойылады. Мысалы, бордақыланған, етке өткізетін мал нағыз семіз, ал көлік малының семіздігі жұмыс міндетін атқарып, денсаулығын калыпты жағдайда сақтауға жеткелікті дәрежеде болуы керек. Мал қоңдылығына байланысты сойыс салмағы, таза еттің түсімі, еттің химиялық құрамы өзгереді. Семіз малдың қара еті майлы, дәмді келеді.