Мұхаммед ибн Абдул-Кәрим әл-Хаттаби

Абд әл-Крим (толық аты: Мұхаммед ибн Абд әл-Кәрім әл-Хаттаби) (Abd el-Krim; Muhammad ibn Abd al-Karim al-Khattabi) (1882, Адждир, Марокко – 6 ақпан, 1963, Каир, Египет), Солтүстік Мороккодағы испан және француз билігіне қарсы шыққан БЕРБЕРЛЕР күресінің көшбасшысы. Мелилья Марокко провинциясындағы мұсылмандар судьясы болады. Испания саясатына көңілі толмаған ол өзінің ағасымен бірге қарсылық көрсету қозғалысын ұйымдастырып, басшылық етеді. 1921 жылы Риф Республикасын құрып, оның президенті болады. 1926 жылы біріккен француз-испан армиясына берілуге мәжбүр болады. Реюньон аралына жер аударылып, 1947 жылы Франция шегінде жасауға рұқсат алады, бірақ жол-жөнекей Мысырдан саяси баспана алады. 1956 жылы Марокко тәуелсіздігін алған кезде Мұхаммед V оны елге оралуға шақырады. Алайда ол әлі де француз қарулы күштерінің Солтүстік Африкаға ықпалының болу себебінен шақырудан бас тартады.^[1]