Нандилер
Нандилер[1] – Кениядағы календжин тобына жататын халық. Жалпы саны 2,802 мыңдай (2004). Негроид [2] нәсіліне жатады. Нанде (нанди) тілінде сөйлейді. Жергілікті діни наным-сенімдерді ұстанады, біраз бөлігі –католиктер. Мәдениеті жағынан масаиларға жақын. Дәстүрлі кәсібі – малшылық (зебу, ешкі, қой). Егіншілік жұмыстарын әйелдер атқарады (жүгері, батат,элевсина,бұршақ тұқымдастар,банан). Ұсталық өнер жақсы дамыған (найза, жебе, әшекей бұйымдарын жасау). Әйелдер қыш құмыралар жасаумен айналысады. Елді мекендері шашыраңқы орналасқан. Тұрғын үйлері ағаштан немесе саз балшықтан жасалып, төбесі шөппен жабылады. Астық сақтайтын қойма сырықтар үстіне орнатылады. Әйелдердің дәстүрлі киімдерінен – әшекейленген, теріден жасалатын алжапқыштар мен юбкаларды ерекше атауға болады. Негізгі тағамдары – дәнді дақылдардан әзірленетін ботқа, сүт өнімдері, ет. Балдан шарап жасайды. Туыстық жақындық аналық жүйе бойынша анықталады.
Сілтемелер[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Қазақ Энциклопедиясы"Қазақ Энциклопедиясы", 6 том
- ↑ Филатова И.И., История Кении в новое и новейшее время, М., 1985.
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |