Нейтра Рихард Йозеф

Нейтра Рихард Йозеф

Нейтра Рихард Йозеф (Neutra, Richard (Joseph)) (8 сәуір, 1892 жыл. Вена, Австрия – 16 сәуір, 1970, Вупперталь, Германия), тегі австриялық американ архитекторы. Вена мен Цюрихеда білім алған 1923 жылы АҚШ-қа көшіп келеді. Оның жұмыстарының ішіндегі ең сәтті орындалғаны Ло-Анджелестегі Ловелл-Хаус (1927-29 жылдар) деп аталады. Терезелердің молдығы және балконның кабельмен ұсталып тұруы жұмыстың ерекшелігін көрсетті. Екінші дүниежүзілік соғыстан кейін оның атақты жұмыстары дүниеге келді. Айталық, Палм-Спрингстегі Кауфман-Дезерт-Хаус (1946-47 жылдар), Калифорния штатында Санта-Барбарадағы Тремейн-Хаус (1947-48 жылдар). Нейтра өзінің жасаған сәнді үйлері арқылы АҚШ-та ИНТЕРНАЦИОНАЛ СТИЛІНДЕГІ үлгіні көрсетіп үгіт жүргізді. Ландшафтпен қоршалған үйлерінің есік алды патио немесе галереямен жабылған. Айналасы пейзажбен қамтылғандықтан, осының өзі үйдің бір бөлшегі ретінде көрінеді. Оның пікірінше, архитектура өнерінде адам үйлесілімділікке табиғат арқылы немесе өзі біліп келуі керек. Әсіресе үй арқылы оның иесі көрініп тұруы керек деген. Оның кейінгі жұмыстарына шіркеулер, тұрғын үйлер, ғимараттар, мәдени орталықтар кіреді. Оның көптеген еңбектеріне Дизайн арқылы тірілу (1954 жыл) сияқты кітаптар кіреді.