Операция дайындығы

Операция дайындығы (подготовка операции (боя)) — операцияны (ұрысты) ұйымдастыру мен оны жан-жақты қамтамасыз ету жөнінде қолбасшылар (командирлер), штабтар, әскер тектері, арнайы әскерлер және қызмет бастықтары, сонымен қатар әскерлер жүргізетін шаралар кешені. Операция дайындығының маңызды шаралары: шешім қабылдау, әскерлерге жауынгерлік міндет қою; операцияны (ұрысты) жоспарлау; бірлесіп қимылдауды ұйымдастыру; әскерлерді жауынгерлік міндеттерін орындауға даярлау; қарсыласты атыспен жоюды ұйымдастыру; әскерлердің қажет тобын кұру және шабуыл үшін бастапқы ауданды (қорғаныста — қорғаныс аудандарын, өңірлері мен алқаптарын) даярлау; әскерлерді камтамасыз ету мен басқарудың барлық түрлерін ұйымдастыру. Операция дайындығының мазмұны мен көлемі жағдайды, қойылған міндеттер мен әскерлердің оларды орындауға дайындық мерзіыдерін есепке ала отырып анықталады. Операция дайындығы әскерлерді қажетті жауынгерлік дайындықта ұстай отырып, жасырын түрде жүргізіледі. Жоспарлардың негізгі шаралары бірнеше инстанцияларда кезекпен немесе параллельді (бір мезгілде) жүзеге асырылуы мүмкін.