Отырар ғимараты

"Отырар" - Алматыдағы мейманхана ғимараты. 1981 жылы салынған. Археологтар М.Қабылбаев, С.В. Коханович, конструкторы Б.И. Цигельман. Оның 363 орынды 186 қонақ белмесі, кинозалы (70 орынды), бильярд бөлмесі, хауызды моншасы, базарлық дүкені, телерадио хабарларын тарату жүйесі, телефон желісі болды. Пластикалық пішіндегі екі көлем ретінде шешім тапқан мейманхана 5 қабатты тұрғындар корпусынан және оған жабық өтпе жолымен жалғасатын шеңбер тәрізді 2 қабатты ресторан корпусынан тұрады. Мейманхананың негізгі бөлігі тұрғын жай болып табылады, әрбір қабаты бір-бірімен лифті немесе баспалдақтар арқылы жалғасады. Тұрғындармен есеп айырысу кассасы, ақпараттық және тұрмыстық қызмет көрсету бюросы, қонақ үй дирекңиясы, қоғамдық тамақтандыру (156 орынды ресторан, 2 банкет залы, ұлттық тағамдар кафесі), күту, тынығу орындары 1-қабатта орналасқан.