Персеверация

Персеверация (лат. persevercitio — қасарушылық, қыңырлық) — белгілі бір қимыл-әрекеттің, ойдың немесе қобалжудың еріктен, арнайы пиғылдан тыс қайталануы және үнемі қайта жаңғыртылуы. Персеверация ерекше жағдайда әр түрлі көрініс табады: қозғалыс күйде, эмоциялық, сенсорлық — персетивті немесе сезімдік — қабылдаушы аяда, сондай-ақ ми бөлшектері жартылай зақымданғанда, сөйлеу, қозғалу және эмоциялық ауытқушылық орын алғанда байқалатын жағымсыз көріністер. Персеверация көңіл-күй жиі бұзылғанда немесе қатты қалжырағанда қайталануы ықтимал. Мамандардың болжамынша, қимыл-әрекеттің тоқталуы туралы сигнал кешіккенде нейрон құрылымдары қозады да, осы толқымалы процестер әрдайым персеверация негізін құрайды.