Рашид Хабибуллаевич Фаткуллин

Рашид Хабибуллаевич Фаткуллин 1954 жылы 25 қазанда ӨзКСР Ташкент облысының Алмалық қаласында туған. Татар. Ф.Э. Дзержинский атындағы КСРО ІІМ Саратов жоғары әскери командалық училищесін мерзімінен бұрын бітірген (1979), жалпы әскер офицері; КСРО ІІМ Қарағанды жоғары мектебін (1987), заңгер мамандығы бойынша; КСРО ІІМ жоғары курстарын (Ташкент қаласы, 1987), КСРО ІІМ Академиясын (Мәскеу қаласы, 1991), «Антитерроризм» бағдарламасы бойынша курстарды (АҚШ, 2004), бітірген. 1973 жылдан - Кеңес Әскерінің қатарында қызметте. 1976 жылдың ақпан айынан - 5451 ә/б химия нұсқаушысы - дозиметршісі. 1976 жылдың қараша айынан - 5451 ә/б взвод командирі. 1982 жылдың маусым айынан - 5449 ә/б авторота командирінің саяси бөлім жөніндегі орынбасары. 1985 жылдың шілде айынан - 5449 ә/б патрульдік рота командирі. 1988 жылдың маусым айынан - 5449 е/б штаб бастығының жауынгерлік дайындық жөніндегі аға көмекшісі. 1988 жылдың желтоқсан айынан - КСРО ІІМ Орта Азия және Қазақстан бойынша Ішкі әскер басқармасының жауынгерлік дайындық бөлімінің офицері. 1990 жылдың наурыз айынан - 5512 ә/б командирі. 1990 жылдың мамыр айынан - 5449 ә/б командирі. 1997 жылдың наурыз айынан - ҚР Ішкі әскер басшысы бас басқармасының 2-ші жедел бөлімінің бастығы. 1997 жылдың маусым айынан - ҚР ІІМ Ішкі ескер басшысының бас басқармасы Бас штабы бастығының бірінші орынбасары. 2001 жылдың қыркүйек айынан - ҚР ІІМ Ішкі әскер басшысының орынбасары. 2002 жылдың қазан айынан - 5449 ә/б командирі. 2004 жылдың ақпан айынан - ҚР ІІМ ішкі әскері Жоғары әскери училищесінің бастығы. 2006 жылдың қаңтар айынан - ҚР ІІМ Ішкі әскер комитетінің Бас штабы бастығының бірінші орынбасары. 2008 жылдың наурыз айынан - ішкі әскер басшысының тәрбие және әлеуметтік-құқықтық жұмыс жөніндегі орынбасары- ҚР ІІМ Ішкі әскер комитеті төрағасының орынбасары. 2008 жылдың қараша айынан 2010 жылға дейін - ішкі әскер басшысының бірінші орынбасары - Бас штаб бастығы - ҚР ІІМ Ішкі ескер комитеті төрағасының орынбасары. III дәрежелі «КСРО Қарулы күштерінде Отанға қызмет еткені үшін», II дәрежелі «Даңқ» ордендерімен; КСРО және ҚР 12 медалімен марапатталған. Генерал-майор.