Серафим Владимирович Юшков

Юшков Серафим Владимирович (4.4.1888, Ресей, Мордова АКСР-і, Трофимовщина с. – 14.8.1952, Мәскеу қ.) – тарих ғылымының докторы (1935), профессор (1919), Украина ғылым академиясының корреспондент мүшесі (1939), Қазақстан ғылым академиясының академигі (1946), РКФСР-дің еңбек сіңірген ғылым қайраткері (1948). Санкт-Петербург университетінің заң факультетін бітірген (1910). Ресей мен (1910–30, 1933–46, 1948–52) Өзбекстандағы (1930–33) жоғары оқу орындарында педагог қызметтерін атқарған; Қазақстан ғылым академиясының Тарих, археолия және этнология институтының директоры (1946–48) болды. Қазақстандағы феодалдық меншіктің, құқық пен мемлекет тарихы мәселелерін зерттеумен айналысқан. Кезінде кеңес тарихшылары арасынан алғаш рет «орыс шындығының» ежелгі германдыққа жақын деген жорамалды жоққа шығарып, дәлелдеген еңбегі үшін оған қорғамай-ақ тарих ғылымының докторы дәрежесі берілген. Еңбек Қызыл Ту орденімен марапатталған.