Сергей Петрович Бородин

Бородин Сергей Петрович (1941 жылға дейінгі лақап аты - А м и р Саргиджан; 1902-1974), орыс жазушысы. Өзбекстанның халық жазушысы (1973), КСРО Мемлекеттік сыйлығының лауреаты (1942). Арменияда, Қиыр Шығыста, Тәжікстан мен Қазақстанда қызмет істеді. 1951 жылдан бастап Ташкентте тұрды. Осы кездерде Орта Азияның өткен тарихына тереңдеп ден қойды. 1946 ж. 5 қаңтарда Әуезовке жазған хатында «Абайдың» бын алғанын, енді 2-кітабын асыға күтетінін айтқан. Бұл жөнінде өзінің біраз ойларын білдіріп, хатындағы сұрақтарына жауап береді. 1954 жылғы 2 қаңтардағы хатында жаңа жылмен құттықтайды, хал-жайын сұрап, біраз тілектерін білдіреді (№641-папка). «Жақсы кітап - жан азығы»(«Социалистік Қазақстан», 1949, 10 мамыр) деген мақаласында «Абай» романының Мемлекеттік сыйлық алуына байланысты ыстық ықыласын, ізгі ниетін білдірген.