Сылдырмақ

Сылдырмақ
Rhinanthus minor
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Lamiales Тұқымдасы: Orobanchaceae Кіші тұқымдасы: Rhinanthoideae Тайпасы: Rhinantheae Кіші тайпасы: Rhinanthinae Тегі: Rhinanthus L.
түрлері
30-40

Сылдырмақ (лат. Rhinanthus) – сұңғыла тұқымдасына жататын бір жылдық жартылай паразитті өсімдік.

Облыстың шалғынды жерлерінде, өзендер мен көлдердің жағалауында өсетін 4 түрі бар. Биіктігі 20 – 50 см, сабағы тік, жоғарғы жағы бұтақталған. Жапырағының жиегі ара тісті иректелген, қандауыр тәрізді, өркен бойына қарама-қарсы орналасады. 4 тостағанша жапырақшалары бірден қурап түспей, ұштары жіңішкеріп, үрлеген қарын сияқты томпайып, жемісінің сыртын қаптап сақталып қалады. Гүлі сиякөк, сары, сарғыш жасыл. Күлтесінің түбі кірігіп, түтік құраған, қос ерінді, үстіңгі ерні дулыға тәрізді, астыңғысы сәл төмен қарай иіліп, ұшы 3-ке тілімделген тегіс болады. Аталығы – төртеу, екеуі ұзын күлтеден шығып көрініп тұрады. Маусым – шілдеде гүлдеп, тамыз айларында жеміс салады. Жемісі – екі бүйірі қысыңқы, қақырайтын құрғақ қауашақ. Тұқымында қанатша тәрізді жұқа өсіндісі болады, кей түрінде болмауы да мүмкін. Сылдырмақ басқа өсімдіктің тамырынан су мен ондағы еріген заттарды тамыр сорғыштары арқылы қабылдайды. Сондықтан шалғында өсетін мал азықтық өсімдіктерге көп зиян келтіреді.