Тасберіштер

Құрамы мен пішіні тұрғысынан, немесе өзге де белгілері жағынан (мәселен, қаттылығы, яки беріктігі) қоршаған ортадан анық ерекшелене отырып, сол қоршаған ортаға тән кеибір құрамбөліктердің нақтылы нүктеде жинақтала "өсуі" нәтижесінде қалыптасатын аутигендік (хемогендік, немесе биохемогендік) минералдық құрамбөліктер шемені. Тасберіштердің сырт пішіні, мөлшері және бітім ерекшеліктері әртүрлі болып келеді. Алайда Тасберіштерге көбінесе жұмыр пішіндер (дөңгелек, сопақша, цилиндр пішінді, конус тұрғылас) тән. Тасберіштердің мм-ге де жетпейтін мөлшерден бастап (микротасберіштер), ондаған см-мен, тіпті м-мен өлшенетін мөлшеріне дейінгі аралықтағы түрлері ұшырасады. Синонимі - "сорындылар".