Тауқұдіреттер
| Тауқұдіреттер | ||||||||||||
|---|---|---|---|---|---|---|---|---|---|---|---|---|
_(26144727151).jpg) | ||||||||||||
| Ғылыми топтастыруы | ||||||||||||
| ||||||||||||
| Түрлері | ||||||||||||
|
16 | ||||||||||||
| Синонимдері | ||||||||||||
|
Capella |
Тауқұдіреттер (лат. Gallinago) – татреңтәрізділер отрядына жататын құстар.
Қазақстанның батпақты-сулы жерлерінде кездесетін 5 түрі бар. Тұмсығы ұзын топырақты сүзіп қоректі затты табуға мүмкіндік беретін тұмсықтың ұшында орналасқан көптеген торлары бар сезімтал мүшелері орналасқан. Тұрқы 30 см-дей, салмағы 100 – 150 г. Тұмсығы ұзын және түзу, аяқтары қысқа, жонында қоңыр және қызғылт сары жолақтары болады. Тауқұдіреттің ішінде ең жиі кездесетіні туыспен аттас түрі (G. gallіnago). Қанатының орташа ұзындығы 130 мм, салмағы 110 г. Арқасы жирен қоңыр, қара дақты, төсі мен бауыры ақшыл, тұмсығы ұзын. Шағын тобы Қазақстанның батыс, шығыс және оңтүстік-шығыс аудандарында ұялайды, уақытша аялдап, барлық жерде кездеседі. Омыртқасыздармен (құрттар, жәндіктер) қоректенеді, жыл құсы. Наурыз – сәуір айларында ұшып келіп, батпақтың құрғаған жерлеріне ұя салады. Ұядағы пішіні алмұрт тәрізді 4 шұбар жұмыртқаны мекиені 18 – 20 күндей басады. Балапандары 3 аптадан кейін қанаттанады. Ұялау кезінде қоразы маңыраған қозы дауысына ұқсас үн шығарады. Әуесқойлық жолмен ауланады.[1][2]
Дереккөздер
[өңдеу | қайнарын өңдеу]- ↑ Қазақ энциклопедиясы
- ↑ Орысша-қазақша түсіндірме сөздік: Биология / Жалпы редакциясын басқарған э.ғ.д., профессор Е. Арын - Павлодар: «ЭКО» ҒӨФ. 2007. - 1028 б. ISBN 9965-08-286-3
|
Бұл — орнитология бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |