Теңіз жануарларының қозғалысы

Теңіз жануарларының қозғалысы- теңіз жануарларының бірнеше түрі бар. Оларды суда қозғалуға арналған мүшелерінің құрылымына қарай ажыратады. Теңіз жануарларының көбісі суда емін-еркін жүзеді. Олар, тіпті, өздерін суда ұшып жүргендей сезінеді. Яғни, су астында жүзудің нағыз шеберлері. Көптеген балықтардың салмағы өте ауыр, жүзуге ыңғайсыз. Кейбіреулері бүкіл өмірін теңіз түбінде өткізеді. Енді біреулерінің жаратылысынан жүзуге арналған желқабызы болады.
Балықтың тұла бойында жүзбеқанат көп. Олар балықтың алға бағыт алуына , бұрылуына және тепе-теңдік сақтауына көмектеседі. Балықта, сонымен қатар, құйрық жүзбеқанаты болады. Оның көмегінің арқасында балық алға жылжиды. Балық денесін , жүзбеқанаттарын қозғау үшін бұлшық еттерін пайдаланады.
Медуза секілді кейбір су жануарлары қозғалғанда, серпілу арқылы қимылдайды. Мұндай су жануарлары өзінің шатыршасын әуелі суға толтырып, сосын суды сығып шығару арқылы серпіліп, алға жылжиды. Жүзбеқанаттар судағы ұшақ қанаты тәрізді әрекет етуге ыңғайлы.
Теңіз тасбақасы, теңіз арыстаны және итбалық - жүзбеқанатты жануарлар қатарына жатады. Скаттар мұхиттың тұңғиығында тіршілік етеді. Олардың тосылдағы болмайды. Олар жүзбеқанаттарын балықтарға қарағанда басқаша пайдаланады.

Балықтың дене құрылымы

• Май жүзбеқанаты: арқа жүзбеқанаты мен құйрық жүзбеқанатының ортасында болатын кішкене жүзбеқанат.
• Арқа жұзбеқанаты: ол балықтың жонында жалғыз болады және жүзу кезінде тепе-теңдік сақтауға қызмет етеді.
• Желбезек: балықтар желбезектерінің арқасында тыныс алады.
• Кеуде жүзбеқанаты: құрсақ жүзбеқанатының алдына орналасқан мұндай қанат жұп болады.Олар балыққа уылдырық шашу кезінде қажет.
• Жүзбеқанат: жүзбеқанат дара да, жұп та болуы мүмкін. Олар қозғалуға, тұрақтауға, ұя салуға, уылдырық шашуға және сезінуге пайдаланылады.

Балықтың тұла бойы домалақ қабыршақтармен қапталған.Балықтың қабыршағының астында жіңішке түтікше болады, оны "бүйір сызығы" деп атайды.

Дельфиндер мен киттер қалай жүзеді?

Дельфиндер мен киттердің жүзуі балықтардыкінен басқаша.Балықтың құйрығы жүзген кезде оңға және солға, ал киттер мен дельфиндердікі жоғары-төмен қозғалады.

Әдебиет

• Теңіз жануарлары, балаларға арналған танымдық энциклопедия.Аруна баспасы