Тіс аурулары

Ауыз қуысы гигиенасын сақтаудың денсаулық үшін маңызы зор. Тіс гигиенасын сақтамаған жағдайда ауыз қуысында түрлі аурулар пайда болуы мүмкін. Олар:

тіс тасы;
тіс жегісі (кариес);
тіс ұлпасының қабынуы (пульпит);
қанжел(периодонтит).

Тіс тасы - тістің бетін қаптап қалатын тамақ қалдықтарынын пайда болған бактериялар мен сілекей қоспаларының жиынтығы. Сондықтан тісті уақытылы жуып, тазалау керек.
Тіс жегісі - тістің кіреуке қабатының зақымданып, бор тәрізді дақтың пайда болуы. Бұл - ауырмайтын, сезілмейтін үрдіс. Ауруды бұл кезеңде емдеп, тоқтатуға болады. Тістің тесігін бітеп(пломб) қана оны одан әрі зақымданудан сақтауға болады. Мұны неғұрлым дер кезінде емдесе, соғұрлымжақсы нәтиже береді.
Егер тіс ауруын емдемесе, асқынып, микробтар тістің ішкі қуысына жетеді. Одан әрі асқынудан - пульпиттің дамуына әкеледі. Пульпит кезінде тіс суықтан, ыстықтан қатты ауырады.
Кейде тіс түбінің сыртқы қабаты қабынады. Ол периодонтит деп аталады. Периодонтит кезінде тістің қызыл иегі зақымданып, тістен мүлдем айырылып қалу қаупі туады.

Дереккөздер

Салауаттану. Ә.С. Әділханов, Қ,А, Жаңабердиева. "Алматыкітап" баспасы,2005. 115 бет.