Түйіспелік потенциалдар айырымы

Түйіспелік потенциалдар айырымы (орыс. Контактная разность потенциалов) — термодинамикалық тепе-теңдік жағдайында электрондарының әр түрлі шығу жұмысы бар екі жанасқан өткізгіштер арасындағы электр потенциалдарының айырымы. Кейбір жағдайда Түйіспелік потенциалдар айырымының пайда болуы (түйісетін өткізгіштердің Ферми деңгейлерінің белгілі бір қатынасында) түйісу аймағында өткізгіштіктің айтарлықтай төмендеуіне, ал екінші жағдайда оның артуына әкеледі. Откізгіштіктің төмендеуі сырттан берілген кернеу әсерімен қосылса, бұл түйіспенің өткізу қабілетінің ассимметриясына, яғни түзету құбылысына өкеледі. Осы құбылыс негізінде көптеген шалаөткізгіш өткелдер (электронды-кемтіктік өткелдер, металл-шалаөткізгіш түйіспелер, гетероөткелдер) жұмыс істейді. Ал өткізгіштіктің өсу құбылысы ШО аспаптарда омдық түйіспелер жасау үшін пайдаланылады.