Фиксиктер
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
Фиксиктер — Эдуард Успенскийдің "Гарантийные человечки" атты повесті негізінде құрылған анимациялық мультсериал.
Мультфильм "Аэроплан" студиясымен құрылған. Бұл мультфильмді құру жөніндегі идея Александр Татарскийге тиесілі.
Сюжеті[өңдеу | қайнарын өңдеу]
Мультфильм қазіргі заманның технологияларының ішінде тұратын және оларды жөндеп тұратын фиксиктер отбасылары - кішкентай адамдар туралы. Фиксиктердің өздері бар жоғы - 9: Папус, Мася, олардың балалары Симка және Нолик, бүкіл фиксиктердің атасы Дедус, және де Симканың сыныптастары - Файер (Fire - ағылш. От), Игрек, Шпуля және Верта. Мультфильмде тағы ДимДимыч атты кейіпкер бар. Ол - сегіз жасар бала, фиксиктер ДимДимычтың үйінде Кусачка атты итпен және Жучок атты өрмекшімен тұрады. Өрмекші фиксиктер үшін үй жануары, ал Кусачка - олардың қас жауы. Фиксиктерді көре қалса, бірден шап беріп, арттарынан қуалайды.
Мультфильмнің 2-маусымында жаңа кейіпкерлер пайда болады - Гений Евгеньевич Чудаков және Лизенька. "Мультфильмде ғалымның және жаңа оқиға орнының пайда болуы біздің мүмкіндіктерімізді арттырды. Бастысы, енді біз баланың көмегімен және кәдімгі пәтердің ішінде жеткізе алмайтын тақырыптарды қозғай аламыз. Мысалы, енді біз кезекті серияларымыз ретінде "Огнетушитель", "Подушка безопасности", "Экотестер", "Провода" сияқты шығарылымдарды жүзеге асыратын боламыз. Бұның барлығы "Фиксиктер" мультсериалының әмбебап болуына және ата-аналарға балаларынан күн сайын сұрайтын "Неге?" деген сұрақтары жауап тауып беруіне ықпалын тигізеді.", - Георгий Васильев, "Фиксиктер" мультфильмінің продюссері.
Фиксиктер үшін ең маңызды нәрсе - ол маскировка. ДимДимыч - олардың досы болғанымен, онымен араласып жүргенімен, олар ешқашан да адамның көзіне түспеуі қажет. Өйткені Олардый ойлары бойынша, адамдар Фиксиктерді тауып алса, оларға әртүрлі тәжірибелер жүргізіп, оларды қинап, тор ішінде ұстауы мүмкін. Адамдардың көздеріне түспеу үшін маскировканың ерекше түрін қолданады - кәдімгі бұрандаларға айналады. Бұл фиксиктердің табиғат жаратылысы. Адамдар жай көзбен, тіпті, арнайы құралдың көмегімен кәдімгі бұрандадан бұрандаға айналған фиксиктерді ажырата алмайды. Бірақ, сонда да, Фиксиктер ДимДимычпен жақсы араласады - ойнап, күліп, бір-бірлеріне қамқор болады.
Адамдарда мектеп, университет болса, фиксиктерде де олар бар. Қазіргі кезде фиксик-балалардың барлығы Профессор-Чудаковтың зертханасында оқиды. Яғни, олардың мектептері зертханада орналасқан. Бұл оларға өте ыңғайлы - зертханаға күн сайын сынамаға жаңа технологиялар, техникалар жіберіледі. Фиксиктер мектепте бүкіл техникалармен танысып, оларды жөндеуге үйренулері қажет. Ал лабораторияға жіберілетін сынамалар олар үшін дәлме-дәл. Фиксик-оқушыларға Дедус сабақ береді. Өйткені ол ең үлкені әрі тәжірибесі көп фиксик. Фиксиктер осылай қызықты оқиғаларын, күндерін өткізіп жүреді.