Фондю

Фондю (фр. fondu – ерітілген) — швейцар халқының негізгі ұлттық тағамы.

Бұл тағамды дайындау үшін арнайы спиртовка үстіне бекітілген қызуға төзімді ыдыс және ұзын сапты шанышқы қажет. Фондю дайындау кезінде спиртовка үстіндегі ыдысқа бір жарым стақан құрғақ ақ шарап құйылып, жылытылып, үстіне салмағы екі есе көп (600 г) бір немесе екі түрлі үгітілген сыр салынады. Ерітілген сырға, қоюлату үшін шарапта ерітілген 3—4 шай қасық картоп ұнтағы қосылып, тамақтанушылардың нан кесегін шанышқымен шаншып, ыдыстағы көбіктенген тағамға малып алады. Фондю массасына әр түрлі татымдықтар мен дәмдеуіштер қосылады.