Фосфамид

Фосфамид, рогор - 0,0-диметил S (N-метилкарбамоилметил) - дитиофосфат C₅H₁₂O₃PS₂N инсектицид және акарацид. Ақ кристалл, суда 2,5 % -і ериді. Өнеркәсіпте құрамында 40 % Фосфамид бар эмульсия түрінде шығарылады. Өсімдік қоректі кене, біте, ақ қанатты көбелек т.б. құрту үшін пайдаланылады. Бұған Фосфамидтің 0,03-0,1% -тік судағы ертіндісі тиімді және әсері 2-3 аптаға жетеді, өсімдік жапырағын күйдірмейді. Фосфамидке сүйекті жемістер, құлмақтың кейбір сорттары, майшетен, цитрус дақылдары сезімтал келеді.