Фотофор
Фотофор - суда тіршілік ететін басаяқты ұлулардың жарық шығаратын мүшесі. Ұлулардың жарық шығаратын мүшесі олардың денесіндегі көгілдір нүкте. Судың терең қабатын мекендейтін кальмарлардың денесінде 200-ге жуық фотофорларды байқауға болады. Фотофордың сыртқа қараған жағынан басқа жері жарық өтпейтін қара қабатпен қапталған, ал түп жағында жарқырауық ұлпа орналасқан. Осы фотофорда түрлі түсті жасушалардан тұратын жарық фильтрі болады. Басаяқты ұлулардың көзінде және көз алмасында жарық шығаратын мүше орналасқан. Көзде орналасқан фотофор тек қана бас аяқты ұлуларда ғана емес, су тереңіндегі шаяндар мен балықтарда да кездеседі.
Дереккөздер
[өңдеу | қайнарын өңдеу]Қызықты биология. 2-бөлім: Жануарлар дүниесі (омыртқасыздар). - Алматы: "Таймас" баспа үйі, 2007. - 136 бет. Сәтімбеков Р., Әлімқұлова Р.