Халықаралық құқық нормаларының түсіндірмесі
Халықаралық құқық нормаларының түсіндірмесі - норманың мазмұнын, оның мақсаттарын, халықаралық құқықтың өзге де нормаларымен байланысын, оның өзге де заңды сипаттамаларын анықтау үдерісі. Түсіндіру тәртібі Халықаралық шарттар құқығы туралы Вена конвенцияларында айтылған. Оларда түсіндірудың негізгі және қосымша ережелері баяндалған. Түсіндірудің жалпы ережесі бойынша норма баяндалып отырған ереже терминдердің мәтіндегі қолданысына қарай ұғынылуы керек кәдуілгі мағынасына сәйкес, сондай-ақ түсіндіріліп отырған халықаралық құқық нормаларын шығарған органның түсіндіргені, яғни тиісті құқықтық қатынасқа қатысушылардың түсіндіргені абзал. Нақты нормаларды түсіндіру ісінде халықаралық төреліктер мен соттарға, атап айтқанда, БҰҰ-ның Халықаралық Сотына ерекше рөл жүктеледі. Нормаларға мемлекеттер немесе халықаралық ұйымдар берген түсіндірме ресми түсіндірме болып табылады. Сондай-ақ, халықаралық құқықтық доктриналардың өкілдері мен олардың түрлі бірлестіктері жасайтын бейресми де болады, оның нәтижелері ресми түсіндірме кезінде қаперге алынады.
Дереккөздер[өңдеу | қайнарын өңдеу]
Қазақстан ұлттық энциклопедия. 9 том. Алматы, 2007.