Холдингілік компания

Холдингілік компания — заң жүзінде дербес фирмалар немесе тер акцияларының бақылау пакеттерін иеленуші акционерлік қоғам. Ол басқа фирмалардың операцияларын бақылау мақсатымен құрылады. Холдингілік жүйе бір орталықтан басқару арқылы мүдделер мен қызмет салалары бойынша айтарлықтай өзгешеліктері бар стратегиялық шешімдер қабылдауға мүмкіндік береді. Бұл орайда холдингілік компания тікелей өндіріспен‚ өнімді өткізумен (жұмыстарды орындаумен‚ қызметтерді көрсетумен) айналыспай-ақ‚ экономиканың түрлі салаларына тиесілі және тікелей өндірістік кооперациямен байланысы жоқ кәсіпорындарды біріктіре алады. Компанияның міндеті — бүкіл жүйенің және жеке алғанда әрбір буынның қызметін бағыттау‚ бақылау‚ олардың пайдасын оңтайландыруға қол жеткізу. Холдингілік компания түрлі ұйымдық нысандарда: жауапкершілігі шектеулі қоғам‚ жекеше және мемлекеттік компаниялар нысанында болуы мүмкін.