Хубал

Хубал - ежелгі араб Тәңірі, кинан бірлестігі мен оның отырықшы тармағы - құрайштықтар мен Мекке қаласының қорғаушысы. Шындыққа саятын аңыздарға қарағанда, Хубалды кинаншылар Солтүстік Арабиядан алған. Меккеде оның пішінсіз тас және ахық сыралғы (статуэтка) түріндегі сынып қалған оң қолы алтыннан қайта жасалған мүсіншесі болған. Мұның соңғысы әл-Қағбаға қойылып, ондағы ең басты тәңірі саналған Хубал әл-лат, әл-Уаза мен Манат құдай-аналардың ері, найзағай мен жауын тәңірі болған. Оның мүсіншесі жанында жебемен бал ашқан. Меккеліктердің мұсылмандармен күресі кезінде Хубал Аллаһқа қарсы қойылды, ал Құранда бұл жайында дерек жоқ. Мекке алынғанда Хубалдың мүсіншесі Қағбадан шығарылып, құртылған.