Шотланд мектебі
ШОТЛАНД МЕКТЕБІ (сергек ой философиясы) – 18 ғасырдың 2-жартысы мен 19 ғасырдың 1-жартысында болған британ философиясындағы ағым. Көрнекті өкілдері шотланд университетінің профессорлары Т.Рид, Дж. Битти, Д.Стюарт. Шотланд мектебі ілімінің негізгі өзегін “сергек ой”, яғни адамдық табиғаттың бір бөлігі, Құдай тарапынан берілген интуитивті түрде қабылданатын немесе ақылға сыйымды ой-пікір концепциясының принциптері құрайды. Олардың ішінде “қажетті” және “контингентті принциптер” анықталды. Біріншісі – метафизиканың, грамматиканың, логиканың, математиканың, эстетиканың және этиканың негізіне жатса, екіншісі адамдардың парасаттылығын анықтап, скептицизмді, сенбеушілікті жоққа шығарады. Шотланд мектебі идеялары француз және америка философиясы өкілдеріне елеулі ықпал етіп, ағылшын неореализмі және аналитик. философия тарапынан жаңғыртылды. [1]
Дереккөздер
[өңдеу | қайнарын өңдеу]- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |