Ыстыққа төзімді материалдар

Ыстыққа төзімді материалдар – жоғары темп-ралы ауада не басқа газ тәрізді ортада өтетін қарқынды коррозияға төзімді металл қорытпалар мен жоғары темп-ра әсерінен физика-мех. қасиеттерін өзгертпей сақтай алатын бетондардың жалпылама атауы. Ы. т. м-дың беріктігін қорытпаны қоспалау арқылы жоғарылатуға болады. Жоғары темп-раларда жұмыс істейтін (700 – 950^оС) Ы. т. м. темір, никель және кобальт негізінде, ал аса жоғары темп-раларда (1200 – 1500С) жұмыс істейтін қорытпаларды молибден және басқа да қиын балқитын металдар негізінде жасайды. Ыстыққа төзімді қорытпалар энергет. кондырғылардың қыздыру құрылғылары мен элементтерін жасау үшін пайдаланылады. Жоғары темп-рада бұлардың сыртында қорғауыш тотық қабат түзіледі. Ыстыққа төзімді бетонға портландцемент, шлакпортландцемент, сұйық шыны, т.б. қосылады. Бұл бетондардан өндірістік пештердің жылулық агрегаттары, ірге тастары, т.б. жасалады.