Юзеф Циранкевич
Юзеф Адам Зыгмунт Циранкевич (Józef Adam Zygmunt Cyrankiewicz)(23.04.1911 жылы туған,Тарнув қаласы,-23.02.1989,Варшава) - Поляк Халық Республикасының (ПХР) мемлекеттік және саяси қайраткері. Мамандығы - журналист.1935 - 39 жылдары Циранкевич - Поляк социалистік партиясының (ПСП) Краков округтық комитетінің хатшысы. Фашистік Германияға қарсы соғысқа қатысты. 1941 жылы тұтқынға алынып, Освенцим тұтқын лагерінде отырды. 1945 жылы Маутхаузен (Австрия) тұтқын лагеріне ауыстырылды. 1945 жылы мамыр айында босатылғаннан кейін Польшаға қайта оралды. Сол жылы ПСП-нің Орталық атқару комитетінің бас хатшысы болып сайланды. 1946 жылы ұлттық бірлік үкіметінің министрі, 1947 - 52 жылдары премьер - министр болды. Поляк жұмысшы партиясы мен ПСП-нің бірігу съезінен кейін,1948 жылы желтоқсанда Поляк біріккен жұмысшы партиясы ОК-нің Секретариаты мен Саяси бюросы құрамына енді. 1952 - 54 жылдары ПХР-дің вице - премьері. 1954 - 70 жылдары ПХР Министр Кеңесінің председателі. 1970-72 жылдары ПХР Мемлекет Кеңесінің председателі. 1973 жылдан Бейбітшілікті жақтаушылардың бүкіл поляктық комитетінің председателі.
Қолданылған әдебиет
[өңдеу | қайнарын өңдеу]- Қазақ Совет энциклопедиясы, 1978 жыл, Алматы,12 том, 81 бет